ƏLVİDA AY EŞQİM SƏNƏ ƏLVİDA

Pozulub ehd-peyman, puç olub dilək, 
Mən onu qəlbimdən  çıxaram  gərək. 
Başıma gör nələr gətirdi sevmək, 
Daha məhəbbətə üç nöqdə, nida. 
Əlvida, ay eşqim, sənə Əlvida. 

Talandı ümüdlər, inlədi könlüm, 
Kamıma  çatmamış yolumdan döndüm. 
Belə məsləhətmiş, artıq düşündüm, 
Boşuna olmuşam yolunda fəda,
Əlvida, ay eşqim, sənə Əlvida! 

Eşqdən nə danısim anlamayana, 
Nadan söz deməklə çətin ki qana. 
Bitirib sözümü biryolluq  sona, 
Ülvü hisslərimə eylədim vida. 
Əlvida, ay eşqim, sənə Əlvida.

Seymur yollarından çəkilir daha,
Gözlər gecə aya dikilir daha,
Ömrümdə dan yeri sökülür daha,
Qəlbimdə iz qoydu bu dəli sevda.
Əlvida, ay eşqim, sənə əlvida!

MÜƏLLİF:SEYMUR SÖNMƏZ PAŞAYEV