Gecə düşür ,qaranlıq sıxır qəlbimi yaman, 
Düşünürəm nə yazım, yoxdur dönüşə güman. 
Məni məndən eyləyib,məni məndən o alan, 
Deyirəm, görən o da məni duyurmu bircə.? 
Xəbər-ətər yox ondan , darıxıram sadəcə. 

Yağış yağır, yadıma düşdü xatirələrim, 
Andım adın pünhanca, sızıldadı ürəyim. 
Saçlarıma yağdı dən, bəmbəyazdı tellərim, 
Fikirlərim qarışıb sıxılıram bu gecə, 
Ondan xəbər-ətər yox, darıxıram sadəcə. 

Varlığı yetər mənə, üzü gülsün, xoşdu xoş, 
Sevgisiylə sərməstəm, eşqiylə oldum sərxoş. 
Yazmayır qoy yazmasın,mən qalsamda əliboş, 
Tənha otaq, bir də mən, sıxılıram bir küncə, 
Ondan xəbər -ətər yox, darıxıram sadəcə.

Misralara köçmüşəm,dünyadan ayrılmışam,
Qələmimdən süzülüb vərəqə yazılmışam,
Sürgündəyəm hər səhər,məhbəsdəyəm hər axşam,
Seymura ömürdü sən eşq dediyin bir heca,
Ondan xəbər -ətər yox,darıxıram sadəcə


MÜƏLLİF:SEYMUR SÖNMƏZ PAŞAYEV