YOXDUR

Nifrəti  öyrətdin eşqin yolunda, 
Girdin ürəyimə mələk donunda. 
Gördüyün deyiləm bil ki sonunda, 
Eşqə ,məhəbbətə inamım yoxdur. 

Desəm saya gəlməz dediyin yalan, 
Eylədin könlümü, qəlbimi talan. 
Bir vaxt fikrin ilə xəyala dalan ,
Düşünüb mənimtək ananın yoxdur. 

Dur, bir aynaya bax, bulanıb üzün, 
Bitib tükənibdi ağzında sözün. 
Deyəcəm nifrətlə hər zaman düzün,
Mənim uydurmağa yalanım yoxdur. 

Sənin məhəbbətin bazara bənzər- 
Kim alar, gözlərin müştəri gözlər. 
Mənim məhəbbətim sədaqət istər, 
Çətin səndə ola, gümanım yoxdur.

Qırdın,parçaladın büllur ürəyi,
Puç etdin verdiyim onca əməyi,
Seymurun gözündən gəldi sevməyi,
Məndən uzaq dayan ,amanım yoxdur.

MÜƏLLİF:SEYMUR SÖNMƏZ PAŞAYEV