Profilimin tam hazırlanmasının əhəmiyyəti nədir?

Yazar.in müəllifləri yerləşdirdikləri yazılara görə iki yerə bölünürlər: əksəriyyət yalnız öz yazılarını yerləşdirdiyi halda, bəzi müəlliflər internetdən oxuduqları müəyyən materialları paylaşmağa üstünlük verirlər. 

- Öz yazılarını paylaşan müəlliflər – yadınızda saxlayan ki, sizin yazınız Yazar.in-də dərc olunduğu andan artıq müəllif siz hesab edilirsiniz. Yəni, gələcəkdə yazınız oğurlanarsa, siz Yazar.in-dəki yazının linkini təqdim etməklə müəllifliyinizi təstiqləyə bilərsiniz. Buna görə, yaxşı olardı ki, profiliniz tam şəkildə hazır olsun. Profil şəkli, əlaqə məlumatları, haqqınızda müəyyən məlumatlar, sosial şəbəkə əlaqələri və s. həmin anda sizə lazım ola bilər;

- Özünə aid olmayan yazıları paylaşanlar – bu cür müəlliflər ilk növbədə bir məsələyə xüsusi diqqət yetirməlidirlər: yerləşdirdiyiniz yazının müəllifi siz deyilsinizsə, sonda mənbəni mütləq qeyd edin. Çünki Yazar.in Əsasnaməsinə əsasən müəllif hüququ pozulan yazlara görə sayt yox, həmin yazını sayta yerləşdirən istifadəçi məsuliyyət daşıyır.