***

isti yatağımızda;

... doyunca sevişirdik ...

bayırdakı sazaq təki soyuqdan da xəbərsiz;

... doyunca sevişirdik ...

 

***

yadındadırmı? - təkcə;

birotaqlı mənzilimiz var idi;-ala yarımçıq, təmirsiz şəraitdə...

yadındadırmı? – adicə;

mətbəximiz yox idi;

bütün qabqacaqlar da mənzilin bir səmtində küncdə-bucaqda idi;

üstəgəl;

mənzilimizin hamamı,tualeti də,

otaqların sayına adiyyatı yox idi...

yalnız, yataq otağımız mənzilimizin otağı saylırdı...

bax, beləcə; - elə; ikimizlə birlikdə

...mənzilimizdə...

birotaqlı yataq otağımız da,

...üçüncü nəfər kimi bizimlə yaşayırdı...

 

***

məlum məsələ idi; - ikimizdən başqa;

mənzilimizin qonağı olmurdu...

çünki; - qonaq otağımız yox idi ...

amma, yataq otağımız var idi ...

düzü, kiçik mənzil idi, mənzilimiz ...

amma, yenə də; - sadəcə ikimiz idik ...

... doyunca sevişirdik ...

 

***

yadındadırmı? – elə;

qohum-əqraba,

qonum-qonşu;

dost-tanış;

ikimizin sevgisinə gözaydınlığı vermək üçün,

...qonaq otağı kimi yataq otağımızda qonaq olurdu ...

...axşamçağı...

sonra da;

...gecəyarısı...

daha sonra, yenidən

...səhər açılırdı...

yenidən; - yenə,

başbaşa ikimiz təkcə qalırdıq,

... ikimiz olurduq...

...ikimiz idik...

...yadındadırmı? ...

...günlər...

...həftələr...

...aylar...

... illər bizə, ikimizə bəs etmirdi...

... sən və mən...

...ikimiz idik...

...doyunca sevişirdik...

...doyunca sevişirdik...