Bir gün rast gələrsən qoyduğum izə,

Bu acı qismətə qəlb necə dözə?

O vaxt peşman olub dediyin sözə

Deyərsən,"Bağışla, səhv eyləmişəm"

Qonağın olaram yad sakinlərtək,

Dolar o gözlərin üzümü görcək.

Peşmanlıq içində köks ötürərək

Deyərsən,"Özümü məhv eyləmişəm".

Tək bir istəyim var,bir diləyim var-

Xoşbəxtlik qoy olsun sənə daim yar.

Başqa şey düşünmə,ey bivəfa yar,

Mən səni  çoxdandır  əhv eyləmişəm.

15/09/2017