Elə yatıb kölgəsində aslanın,
Fikirləşir,özü aslan boydadır.
Mərd yaşamaq tülkülərə yaraşmaz,
Daha bilmir,müxənnətlik soydadır.
****
Düşün,düz get,yoxsa yolun azarsan,
Taleyinə qara baxtın yazarsan.
Səngəri qaz,qəbri sonra qazarsan,
Savaşlarda yazılmamış qaydadır.
***
Həsrətim var Arazın o tayında,
Sanı yoxdu millətimin sayında.
İşğal oldu Laçınım may ayında,
Mövlud deyər,qələbə bu aydadır.

20.08.2014.Zərdabi.Mövlud Ağamməd.