Yuxum məndən qaçıb niyə bilmirəm,

Yenə yatammıram,yenə bu gecə.

Mən səni gəzirəm, sən özgəsini

Dərdlər əsir alıb yenə bu gecə.

Sənmi çox dərdlisən,mənmi,ay gecə?

Qəmindən rəngin də saralıb sənin.

Dərdim səndən böyük,sən məndən,gecə!

Həsrətdən könlün də yorulub sənin.

Nə qədər əlləşdin, yordun sən məni,

Qaralmış rəngindən qaraldı ruhum.

Gecə...bəsdi çıx get,sevmədim səni

Sübhün üfüqündən nur alsın könlüm.