Bu gecə bənzəmir

Ötən günlərə...

Sevdalı bir qəlbə,

Yanan ürəyə.

Bu gecə

Ayrılığın ilk gecəsi,

Ümidimin son gecəsi

Qələmim və mən

Yaşayırıq sənsiziyi

Səssizliyi...

Hər gecə ömrümü yazardım sənə,

Bu gecə həsrətlə yazacam sənə.

 

Hörəcəm qəlbimə qəm bəzəyini,

Vuracam ruhuma dərd naxışını.

Qəmi rədif qoyacam

Ayrılığı qafiyə.

Töküb ürəyimi ağ vərəqlərə

Qara hərflərlə yazacam səni.

Hər gecə zovq ilə yazardım sənə,

Bu gecə həvəssiz yazacam sənə.

 

Yaza-yaza öldürəcəm səni,

Ötənləri yazacam,

Bitənləri yazacam.

Qocaldacam eşqimi

Ağ vərəq üstündə yazılan

Qara sözlərlə.

Öldürəcəm eşqimi,

Xəyanətdən doğulan

Acı zəhərlə.

Hər gecə eşq ilə yazardim sənə,

Bu gecə nifrətlə yazacam sənə...