Bu könül baxçamda,vüsal bağımda,
Nə gözəl açmısan tər Laləm mənim.
Yanan ürəyimdə,solan çağımda,
Solmaz ümidimsən,tər laləm mənim.

Qoymaram hüsnünə baxanlar olsun,
Baxıb da,qoxunu alanlar olsun,
Səni eşq oduna salanlar olsun,
Süslənən gülümsən,tər laləm mənim.

Sadiqin qələmi hey səndən yazar,
Baxıb camalına yolunu azar,
Loğmansan gəl gör ki,nədir bu azar?
Xəstəyəm,dərmanım sən,laləm mənim.