Vyetnamın şimalında yerləşən kiçik bir kənddə Nquet adlı qadın yaşayır. Anadangəlmə əlsiz doğulan bu qadın Vyetnam müharibəsinin ən acı izlərini öz bədənində daşıyır.

Müharibə zamanı amerikalı əsgərlər vyetnamlı partizanların gizləndikləri yerləri məhv etmək üçün cəngəlliklərə herbisid və defoliant kimi psixokimyəvi dərmanlarlar töküblər.  

Hesablamalara görə, bu dərmanlarla 4,8 milyon insan zəhərlənib, yüz minlərlə insan ölüb.

Niquet də müharibə dövründə zəhərlənən insanlardan biridir. Əlsiz dünyaya gəldiyindən bütün ev işlərini ayaqları ilə görür. Ailəsi ilə birgə yaşayan Nquet hələ balaca qardaşı uşağının da qayğısına qalır. Boş vaxtında isə kitab oxuyur və internetdən istifadə edir.