Qoynuna aldı Vətən bizləri şadyanlıq ilə,
Nazü-nemətlə dolandırdı firavanlıq ilə.

Canını verdi vətən uğrunda şəhidlərimiz
Onların xatirəsi əziz pərişanlıq ilə.

Günü-gündən çoxalır millətimin dərdi,qəmi,
Torpağından gen düşüb,gəzir qəribanlıq ilə.

Qəlbinin istəyidir öz yurduna qayıtması
Dolanır qürbət eli dideyi-giryanlıq ilə.

Mövludun qəlbində bir istək olubdur hər zaman, 
Qalibiyyət qeyd edək atəşi-fəşanlıq ilə.

29.12.2013 / Zərdabi
Mövlud Ağamməd