Bilmirdin nə vaxtsa ağlayacaqsan , 

Mənim gözlərimdə yaş qoyanda sən.

Sevgi qalasını mən tək tikərdim

Yadın yuvasına daş qoyanda sən.

Əllərin əclafın kobud əlində ,

Bir zaman solacaq təravətin də ,

Hər dəfə ağrılar tutur sinəmdə,

Özgə sinəsinə baş qoyanda sən.

O səni tərk edib gözlərin yaşda

Necə bağışlayım ? Deyir bağışla,

Bilmirdin əllərin qalacaq boşda ?

Mənim ürəyimi boş qoyanda sən.

Müəllif: Eşqin Məmmədov.