Başımın üstündə şimşəktək çaxıb, 
Bir çoşqun çay olub, sinəmdən axıb, 
Sevdiyim o qız tək biganə baxıb,
Yandırma qəlbimi a telli sazım.

Qəsdinmi var, mən yazığın canına, 
Qılınc olub susamısan qanına.
Nişan alıb sinəmin sol yanına,
Yandırma qəlbimi a telli sazım.

Qəlb evi tarimar olub Ruslanın, 
Eşq çiçəyi vaxtsız solub Ruslanın,
Onsuz da gözləri dolub Ruslanın, 
Yandırma qəlbimi a telli sazım.