*** 
bütün inanclarımı sənin əllərində tapmışdım,
səcdəyə gedirdim ovuclarında.
dəniz gözlərinə də tilov atmışdım,
balıq tutmaq istəyirdim baxışlarında.

*** 
gəl sənə bir -iki cümlə şeir süzüm,
əllərin hecalara bölünməsin.
tut fikirləri meyxoş gözlərimdən,
bax,oxu,
yazmayım heç nəyi
misralara sərilməsin.

***
sol tərəfdən heçkimsizləşir insan bədəni,
gedənlərin hamısı bir tikə qoparır.
sağdan da iflic vuranda, 
artıq kimsəyə lazım olmur,
kimsəsizləşir insan bədəni.
dilindən başqa lal olur qolları da ,
ayaqları da,
səssizləşir insan bədəni