Yazar.in saytının “5 Sual, 5 Cavab” layihəsinin növbəti qonağı Sənan Səfərovdur.

SUAL 1: Özünə məxsus üslubunuz var. Belə bir üslubda yazmağa necə başladınız?

CAVAB 1: Bu daha çox təklikdən gələn bir şeydir. Nə qədər tək oluramsa, bir o qədər də öz iç dünyama baş vururam və ikincı bir “mən” özümə məxsusluğu belə deyim  ki, mənə hədiyyə edir və şeirlər yaranır.

SUAL 2: Yazılarınızı həsr etdiyiniz biri varmı?

CAVAB 2: Təbii ki, yazılar kimlərəsə  ünvanlanır. Məncə, qadınlar olmasaydı, kişilər şair olmazdı. Qadınların hər bir parçasında, hərəkətində şeir var. Saçlarında, gözlərində, qırışmış kədərli əllərində...

SUAL 3: Yazılarınızda ağ-qara şəkillərə üstünlük verirsiniz...

CAVAB 3: Ağ-qara şəkillərdə dərinlik, incə bir ruh, melanxoliya var. Üstünlük verməyim də bundan irəli gəlir. 

SUAL 4: Yaradıcılığınızda kimlərin təsirlərini hiss etmisiniz?

CAVAB 4: Bir kitab oxuyanda orada elə cümlələrə, fikirlərə rast gəlirəm ki, onlardan təsirlənməmək olmur. Bir də insanları  dərindən   müşahidə edəndə yazılar yaranır.

SUAL 5: Həyata baxışınızı dəyişdirən üç kitabın adını çəkə bilərsinizmi?

CAVAB 5: Kitablar çoxdur. Onlardan hansınısa seçmək  mənə bir az çətin gəlir. Amma daha çox mənə fərqli gələn, təsirləndiyim Alber Kamyunun “Yad”, Martin Pajın “Mən necə idiot oldum”  Lev Tolstoy “Etiraf” əsərləridir.