Kefini çək, heç düşünmə, eybi yox,
Həyat səni qandıranda qanarsan.
Çətinliklər hər qaranda əyilmə,
Tale səni sındıranda sınarsan.

Doğru sanıb yalançının sözünü, 
Peşman olub, qınayarsan özünü. 
Saf olmağın bağlar sənin gözünü, 
Arı kimi hər çiçəyə qonarsan.

Hər dərdini hər arsızla bölüşmə, 
Yusif kimi çox sevməyə çalışma. 
Yadlar sənə od vuranda alışma, 
Doğmaların yandıranda yanarsan.

Yusif Nazim Ərəbsoy