Varlığı yaşamdı hər bir  məqamda, 
Yoxluğu cəhənnəm, iztirab bizə.
O,elə varlıqdı hər bir  kəlamda,l
Sığışmaz söhbətə, sığışmaz sözə.
Ana böyük varlıq, Ana dünyadı, 
Ağuşu kainat, həyat  onladı.
***
Təbəssüm üzündə görsənən zaman
Ürəklər açılır büsbütün vallah.
Cənnəti hədiyyə edib ərmağan,
Ayağı altına səribdir Allah.
Ana böyük varlıq, Ana dünyadı, 
Ağuşu kainat, həyat  onladı.
***
Analar günəşdir, Analar aydır,
Balası yolunda daim nur saçar.
Övladın görməkcün imkanı olsa
O biri dünyadan biryolluq qaçar.
Ana böyük varlıq, Ana dünyadı, 
Ağuşu kainat, həyat  onladı.
***
İlahi nə gözəl xəlq eyləmisən,
Dünyanın içində dünya yaratdın.
Üç cümlə,üç sözlə vəst eyləmisən
Qanadsız bir mələk eldə yaşatdın 
Ana böyük varlıq Ana dünyadı
Ağuşu kainat həyat  onladı...

MÜƏLLİF:SEYMUR SÖNMƏZ(PAŞAYEV)