Varlığı sevincdir hər bir məqamda,
Yoxluğu qəm-kədər gətirər bizə.
Onun sevgisi var hər bir kəlamda,
Sığışmaz söhbətə, sığışmaz sözə,
Onun məhəbbəti əbədi bahar-
Anasız, dünyanın nə ləzzəti var.?
Üzündə təbəssüm nur saçan kimi,
İsinir bir anda cismimizdə can.
Cənnəti əbədi bir məkan kimi,
Anaya bəxş edib ulu Yaradan.
Dillərdə dolaşan söz-söhbəti var-
Anasız, dünyanın nə ləzzəti var.?
İlahi,sən onu xəlq eləməklə
Elə bil bir təzə dünya yaratdın.
Bu üç hərifdəki qüdrətə bir bax,
Onunla sözə də,şirinlik qatdın.
Ömür ağacında o bir əzəl bar-
Anasız, dünyanın nə ləzzəti var.?
MÜƏLLİF:SEYMUR SÖNMƏZ PAŞAYEV
