Oğlanlar  arasında  eşitdiyimiz  və  diqqət  yetirmədiyimiz  belə  bir  söz  var: "Özünü  arvad  kimi aparma, qız  kimi incimə". Bu  cür  sözlər  hər  kişi  xeylağına  toxunur. Əslində,  bu sözü  çox  eşitmiş olsaq da,  haqqında  çox  düşünməmişik. Bu  cümlə, adətən,  bir  oğlan tərəfindən  öz  həmcinsinə, yaxud  bir  ata  tərəfindən  öz  balaca  oğluna  qarşı  istifadə  edilir. Bəs  bunun  şüuraltı  psixologiyası nədir?

Cavab: bu sözün  şüuraltı  mesajı  budur: arvad  olma - qadın olmaq  pis  şeydi, qız  kimi incimə, bu aşağı  dərəcəli  bir hərəkətdir, alçalma. Əslində,  qadın, ya qız  olmaq  pis  bir şey  deyil. Hansı qadın, yaxud  qız  öz  cinsindən  utanır? Heç  biri. Elə  kişilər  kimi. Sadəcə,  bu  sözü  işlədən adamın gözündə  qadın aşağı  dərəcəli  məxluqdur, qadın olmaq  utandırıcı  bir  şeydir. Burada  həmin adam qadın ya  qız  sözünü  qarşı  tərəfə  təhqir  və  alçaltma  kimi  işlədir... Bu  sözün  şüuraltında gizlənən iyrənc  psixologiyası  budur! Bu  sözlər  həmin  oğlanların  çürük  düşüncələrinin  səbəbi kimi ortaya çıxmış  olur. Çünki  işlətdiyin sözlər  sənin  beyninin  məhsuludur, işlətdiyin  sözlərə  görə qarşındakı insanın  psixologiyasını  anlmaq  olur  ki, hansı  düşüncənin adamıdır. Bu  sözləri işlədən  kişilər qadını sevə  bilmir. Ümumən  müsəlman  təfəkkürlü  kişilərin  təhtəlşüurunda  qadına  qarşı  gizli nifrət və  aşağı  məxluq  kimi  baxma  var. Buna  görə  də  onlar  qadını  söyə  də, döyə  də, zorlaya  da, hətta  öldürə  də bilərlər. Sadəcə  onlar  üçün  əlverişli  şəraiti  yaradın  və  nəticəni görün!