Ən naşı insanı da zirvəyə mindirmək asan,
Boş fikirdi aqili zirvədən endirmək asan. 

Hədərdi nadana bir söz deyəsən, qandırasan,
Söz ilə söz əhlini dinləyib, dindirmək asan. 

Nə qədər məcnunları kül eləyib eşqin odu,
Deməyin eşqə düşən aşiqi söndürmək asan. 

"Hər kimin kim dərdi var" dərmana göndərdi babam, *
De, hansı dərdsizi viranəyə göndərmək asan? 

Yaxşını tapmaq işi indi tamam müşkül olub,
Pisin isə başına kül töküb - əndərmək asan. 

Olsa, Ümman bəşərin fikri gülüstan yarada,
Qupquru səhranı da cənnətə döndərmək asan. 

*Deyim Ş.İ. Xətaiyə aiddir.