Səbrim qeybə çıxıb, tükənib dözüm,

Dərdimi bölənim yoxdu, ay ata.

Sənin həsrətindən qan ağlar gözüm,

Üzümə gülənim yoxdu, ay ata.

Sənsiz elə bil ki, sınıb qollarım,

Bağlidır üzümə daha yollarım.

Arxada qalıbdır sənli anlarım,

Ta gedib-gələnim yoxdu, ay ata.

Çöküb gözlərimə sanki duman-çən,

Yağır gizli-gizli saçlarıma dən.

Arxanca həsrətlə boylanıram mən,

Halımı bilənim yoxdu, ay ata.