Eh..bu məhəbbətin anlamı sonsuz,

Əzəldən yaşadım ömrümü onsuz

Şeytanın zatına söyərdim, donsuz-

Mələk simasında görünməsəydi .

Həyat nə gözəldir, allı-əlvanlı,

Təbəssüm  üzündə gəzə hər canlı.

Göy üzü şəfəqli,gecələr aylı,

Buludlar qaraya bürünməyəydi.

Arılar sancanda min dərdə dərman,

Əlimdə olsaydı verərdim fərman,

Dilərdim, sübh çağı belədir duam-

Xəstələr yataqda sürünməyəydi.

Rəbbim, nemətinə şükürlər olsun!

Ürəklər durmasın,ürəklər vursun.

Deyirəm, heyatım bir nağıl olsun,

Atam sağ qalaydi, heç ölməyəydi.