***
avtobusunun pəncərəsindən
zillənib gözlərim küçəyə
yol çəkirdi.

bir dayanacaqda 
köhnəlmiş ümid paltarında 
yaşlı bir kişi
əlində əsa
xatirələrə söykənmişdi.

o biri dayanacaqda,
darıxan saçlarını 
kəsdirmiş bir qadın vardı
əllərini salmışdı paltosunun ciblərinə
üşüyürdü.

axırıncı dayanacaqda
atasının əlindən tutmuş uşağın,
sağ əli pul dilənirdi.
sol əlində də 
həyat gözlərindən düşürdü.