Yuxu-zəif,kiçik ölüm,ölüm-şiddət,böyük yuxu,
Onların da arasında fərqli dünya gələn"yuxu".
Bu minvalla ömrümüzdə ölürük və dirilirik,
Başqa aləm səslərini,rənglərini dərk edirik.
Yatıb durmaq ölüb sonra dirilməyin bənzəridir,
Hər şey Onun əlindədir,O,əbədi,əzəlidir.
Uca Allah xəlq elədi insan oğlun,bu,hikmətdir,
Sona doğru gedirik biz,bu son yer də axirətdir.
Günahların cəzası,həm əməllərin mükafatı,
Bu dünyada verilməzdir,düşün başqa bir həyatı.
Elə isə son hökmünü,qərarını verən Odur,
Savabları,xətaları,əməlləri görən Odur.
Günahların cəzasını çəkəcəksən,bunu dərk et,
Saleh əməl işlədərək axirətə üzüağ get.

18.07.2014.Zərdabi.Mövlud Ağamməd.