Leyli - Məcnunları axtarma indi,
Qalmayıb onlardan əsər - əlamət.
Sözün də dəyəri o dəyər deyil,
Qalmayıb elə bil sözdə bir kəsər. 

Həmişə olubdur söz sərrafları,
Dinləyən tapılar söz deyən olsa.
Gözlərim üstündə yeri var hər vaxt,
Sözünü qərəzsiz, düz deyən olsa. 

Axxtarma, yaxşı söz - yaxşı əməldi,
Gözəllik yaxşının, düzün içində.
Hər kəsin necə bir insan olduğun,
Axtarsan taparsan sözün içində.