AY BULAQ BAŞINDA DAYANAN GÖZƏL.....

Ay bulaq başında dayanan gözəl,
O bulaq suyunda yuyaydım səni.
Sonra da götürüb əllərim üstə,
Çiçəklər üstünə qoyaydım səni.
***
Yanağın lalədir,dodağın püstə,
Zülfün tökülübdür çiyinlər üstə.
Dərdindən olmuşam ürəyi xəstə,
Dərdimə aşina duyaydım səni.
***
Mövludam,vuruldum səntək gözələ,
Bağladım qəlbimi şerə,qəzələ,
Bu dağlar qoynunda qurub bir tələ,
Mahir bir ovçutək tutaydım səni

12.07.1982.Qrız.(Mövlud Ağamməd)