Qəlbimə vurmuş yara həsrəti-hicran, ayrılıq.

Eyləyib indi məni biçarə, nalan ayrılıq.

Hər dəqiqə, hər bir an ruhumu şəmtək yandırar,

Qəm verər, qüssə verər, verməz ki, dərman ayrılıq.

Sevgidə xoşbəxt idim, arzularım oldu yalan,

Sevgimin baxçasını eylədi xəzan ayrılıq

Qalmayıb zərrə dözüm, hər günüm ildir mən üçün

Dəyişib gözümdə də vaxt ilə zaman, ayrılıq.

Taleyin hökmü ilə barışmaq acı olsa da,

Hər şeyə - qismət - deyib, dözəcək Cinan, ayrılıq.