"Ayrılıq"

Sinələrə çalın-çarpaz dağ çəkib,
Ürəklərə dərd salacaq ayrılıq.
Bir də gördün bezəcəkdir ağrıdan,
Ağrı gedib tək qalacaq ayrılıq.
***
Heç üzülmə qara bəxtin rənginə,
Möhnət səni çəkəcəkdir cənginə.
Qalxacaqdır xatirələr ənginə,
Xəyallara çox dalacaq ayrılıq.
***
Aşiq Mövlud,inanıram zövqünə,
Ehtiyat et bivəfanın sövqünə.
Leyli misal bir gözəlin şövqünə
Dərdi verib qəm alacaq ayrılıq.

22.06.2014.Zərdabi.Mövlud Ağamməd.