Azərbaycanda  bir  oğlan  öz  kişiliyini  3  yolla  sübut  edə  bilər:

1.Razborkalarda; 2. Fahişəni altına  yıxmaqda; 3. Arvadı  hamilə  etməkdə.

Sürü  üçün  budur kişilik  yolu! Bunları  edirsənsə, deməli  kişi  adamsan. Bu  mərhələləri keçmisənsə, öz  kişiliyini  təsdiq  etmisən. Amma əslində  sən  kişisənsə, niyə  bunu  mütləq  sübut  etməlisən, kiməsə  göstərməlisən? Yəni  kişiliyinin  sübuta  ehtiyacı  var ?

Kişilik  instinktiv  bir  şeydir. Biz  kişilər  üçün öz  cinsi  təsdiq  etmək  psixlogiyası  var. Bu  haqda dərinə  getməyəcəm. Sadəcə  deyim  ki, bizdə  kişilik  önəmlidir, insanlıq  yox. Bizə  kişi  olmağı öyrədiblər,  insan  olmağı  yox. "Adam  kişi  olar"  deyirik. Onsuz  da  "adam"  sözü kişi  deməkdir. Yəni "kişi- kişi  olar". Heç  kim deməz  insan  ol. Birinin  kişiliyini  təhqir  et, səni  öldürər. İnsanlığını təhqir etsən, əsəbləşər,  söyər, bir  az  hoppanıb düşər, amma  öldürməz. Biz  söyüşə  görə  insan   öldürən  millətik. Hələ  biz  insan  olmalıyıq və  onu öyrənməliyik  ki, başqasını  təhqir  etmək olmaz.