Bəlkə belə yaxşıdı?

Əzablar azalmalı,

Yalanlar qurumalı,

Insan İNSAN olmalı?

Üzlər gülsə yaxşıdı.

 

Bəlkə belə yaxşıdı?

Könüllərə yaz gələ,

Ümidlərə saz gələ,

Qəmzələrə naz gələ

Dünya gülsə yaxşıdı.

 

Bəlkə belə yaxşıdı?

Xoş röyalar çin ola,

Qəlblərə fərəh dola,

Ümid düzülüə yola,

Eşqlər gülsə yaxşıdı.

 

Bəlkə belə yaxşıdı?

Qəlbdə nur şəlaləsi,

Iblisin son naləsi,

Dillərdə əzan səsi,

Gözlər gülsə yaxşıdı.

 

Bəlkə belə yaxşıdı?

Mərd oğulu bol olsun,

Yaraları yox olsun,

Qarabağa yol olsun,

Vətən gülsə yaxşıdı...

Vətən gülsə yaxşıdı...