O gözəl camalı təsvir etməyə,
Ən gözəl sözlər də bəs eyləmədi.
Mavi gözlərini seyr etmək üçün
Bu aşiq gözlər də bəs eyləmədi.  

Bülbültək qondu könlüm eşq güllərə,
Gəl gedək fəsillərdən fəsillərə.
O gül camal məni atdı yerlərə,
Qalxmaqçun dizlər də bəs eyləmədi.  

Ramin desə, yalan deyil sözləri,
Heç yadımdan çıxmaz mələk gözləri.
Qəlbimdə var elə bir eşq izləri,
Hətta dənizlər də bəs eyləmədi.