Tanrı, qələminə qurban olum  mən , 
Bəxtimi yenidən yazginən təzə. 
Olmasın nə duman,nə də çiskin, çən, 
Yamyaşıl, al-əlvan  ömrümü bəzə. 

Arzular çin olsun,çiçəyim solmaz, 
Taqəti bol elə,yenilməz, qorxmaz. 
Naxış vur, zamanım xoş, unudulmaz
Keçdikçə başlayım söhbətə - sözə. 

Günümü nurundan eyləmə uzaq, 
Qoyma qamətimi əyə dərd, sazaq. 
Alanda canımı birdəfəlik al, 
Öləndə toxunan olmasın gözə. 

Yağdır yağış kimi eşq, i sevgini, 
Neynirəm Əslini,Şirin,Leylini? 
Bir sevda bəsimdir,məhəbbətini
Qoyma səndən yana düşməsin düzə.

MÜƏLLİF:SEYMUR SÖNMƏZ PAŞAYEV

01.07.2017