Otuz yaşından başlayaraq insan beynində hər gün 30-50 min sinir hüceyrəsi fəaliyyətdən düşür.

Beləliklə, yaşa dolduqca insan beyni də tədricən qocalmağa başlayır. Yapon alimləri və mütəxəssisləri ultrasəs şüaları vasitəsi ilə müxtəlif yaşda olan adamların beyinlərini işıqlandırmaqla belə bir nəticəyə gəlmişlər ki, beyni çox fəaliyyətdə olan adamlarda sinir hüceyrələrinin qocalması çox gec baş verir. Zehni əməklə məşğul olmayanlarda isə beyin qocalması tez baş verir.

Alim və mütəxəssislər bunu belə izah edirlər ki, zehni işlə məşğul olan adamlarda beynə daha çox qan daxil olur və bu səbəbdən də əsəb hüceyrələri daha çox və daha yaxşı qidalanır.

Beləliklə, zehni əməklə məşğul olanlarda beyin qocalması gec, zehni əməklə məşğul olmayanlarda isə tez baş verir.