Bəzimiz tərsinəyik,bəzimiz də düzünəyik,
Bəzimiz də bilmirik bu dünyada,düzü,nəyik?

Bəzimiz zillət içrə,əllərimiz qabar-qabar,
Bəzimiz kef-damaqda,sanki behişt üzünəyik.

Gəzirik,vellənirik boş-boşuna axşamadək
Cibi boş,başı dolu-viran olan xəzinəyik.

Bir əlimizdə diplom,birindəsə dəhrə,sapand,
Görürük,eşidirik,qulağı kar,gözü nəyik.

Saymaq ilə qurtarmaz cahillərin əməlini,
Fələyin saydığını sayırıq biz,yüzünəyik.

Hərəmiz bir cürəyik,çox şey bilirik,susuruq,
Buna Mövlud nə deyər,çün dualar izinəyik.

5.04.2014 / Zərdabi
Mövlud Ağamməd