Bilə bilməzsə əgər qədrini qəm əhli qəmin,
Necə qəmxar olacaq, qəm bezəcək, olma əmin.

Gülə bənzər, üzü mahliqa gözəllər deməsin,
Olacaq dərdinə dərman gülüzar əndəlibin.

Alışıb yanmada aşiq yenə qəm atəşinə,
Dözəcək dərdlərə, qəmdən alışıb çünki şəmin.

Verəcək ömrünü badə,edəcək ah ilə zar,
Çıxacaq ərşi-məallaya fəğan,həm də dəmin.

Mənə, Mövlud, deməsinlər, nə qədər dözməliyəm,
Nə qədər istəsə Əslim, o qədər qəm Kərəmin.

6.12.2014 / Zərdabi
Mövlud Ağamməd