Bilincə mən

Tanrım, sənin “mən” ruhunu

Gəl atma qara küncə Sən.

Hələ yaşamağım gəlir,

Gəl öldürmə, ölüncə mən.

Göz yaşımı bulaq etmə,

Məni qəmə calaq etmə,

Dərdlərimi qalaq etmə,

Gəl onları, bölüncə mən.

 Sıxır məni bu ət qəfəs, 

Almaq olmur rahat nəfəs,

Ağladığım deyilmi bəs,

Gəl ağlatma, gülüncə mən.

Sən də say bu haqq sayanı,

Əymə daşa sən qayanı,

Al haqsızdan bu dünyanı,

Gəl yanına, gəlincə mən.

Mübarizdən küsmə belə,

İstəmirəm olum kölə,

Sirlərini açma hələ

Gəl onları bilincə mən...