(İsmi Pünhana birinci məktub)
Bilirəm, qəlbində yuva qurmuşam,
Bəlkə də sinənə yara vurmuşam,
Bilmirəm, heç yönü hara durmuşam,
Səni görən gündən qibləm itibdi....
Verdiyin salamı ala bilmədim,
Dedin qal yanımda qala bilmədim,
Sənin istədiyin ola bilmədim,
Gərək əfv edəsən, səriştəm kəmdi....
Ustacın ürəyi yuxadan, yuxa
Nə vara inanır, nə də ki, yoxa
Tutuşub, fələklə kim yıxa, yıxa
Sən qahmar durmasan, inan ki, təkdi....
03.12.2015 / Bakı
