BİLMİRƏM

dağılmışam otağın künclərinə,
özümü yığışdıra bilmirəm.
paranoya,fobiya harayların,
dörd divara sığışdıra bilmirəm.

içimdəki qarğalarım
parçalayır ürəyimi.
əllərimlə tutub o qarğaları,
didişdirə bilmirəm.

gözlərim də yol çəkir,
baxışlarım uzaqlarda.
tutub onları öz bədənimdə,
gəzişdirə bilmirəm.

saç-saqqal basıb məni,
bu görkəmdə neçə caqqal basıb məni,
dağıdırlar ruhumu halsız olmuşam.
taqətim də qalmayıb,
onları əzişdirə bilmirəm.