Bimar oluban dərdimi loğmanla bölüşdüm,
Dərdimlə qalıb baş-başa hicranla bölüşdüm.
***
Qəm qəm gətirər söylədilər,qəmdi əlacın,
Qəmdən cüda olmaq nədi,əfğanla bölüşdüm.
***
Dağlar dözə bilməzdi mənim dərdimə,billah,
Səhralara qəm yetmədi,ümmanla bölüşdüm.
***
Yoxdur,deyəsən,dərdimə dərman,nə edərdim,
Yusik kimi öz dərdimi zindanla bölüşdüm.
***
Dərd əhli bilir dərdi nihan çəkməyi,Mövlud,
Razim dilə düşməz ola,pünhanla bölüşdüm.
16.04.2015.Zərdabi.Mövlud Ağamməd.