Bir gün dünya məndən xəbər alacaq,
Nə vermisən mənə,ala bilmirsən?
Olanları bir-bir xatırlayacaq,
Sən nə üçün yada sala bilmirsən?
***
Sənə cənnət verdim barlı_bəhərli,
İpəkdən don tikdim zibalı,zərli.
Səni xəlq etmədim kədərli,qəmli,
Özünü salmısan hala,bilmirsən?
***
Doyunca ye dedim istədiyindən,
Şeytana uymagil,çıxma özündən.
Saxlaya bilmədin özün nəfsindən,
Haram qatdın halal mala,bilmirsən?
****
Azmıdır,çoxmudur,vecinə deyil,
Acmıdır,toxmudur,vecinə deyil.
Varmıdır,yoxmudur,vecinə deyil,
Tikmisən özünə qala,bilmirsən?
***
Mövludam,gözüm yox dünya malına,
Yanıram mən sənin belə halına.
Vaxt-vədə yetişib haqq dərgahına,
Qalıbsan hamıdan dala,bilmirsən?

21.01.2014.Zərdabi.Mövlud Ağamməd.