Bir kərə cismin də məni yad eləməzmi
Mirzə Lazım tərəfindən "Şeir" bolməsinə 21:24 16 may 2019 tarixində əlavə olunmuşdur

Qüssəmi bir anda yuyan seldi xəyalın,

Gah üşüdən həsrət ilə yeldi xəyalın

Min kərə min cildə girib gəldi xəyalın,

Bir kərə cismin də məni yad eləməzmi?!

 

Getdin, o andan bu vücudda daha sər yox,

Təb də olub dərdə düçar, sözdə kəsər yox

Səndə o vicdan deyilən şeydən əsər yox?!

Xəstəsinə heç təbib imdad eləməzmi?!

Bir kərə cismin də məni yad eləməzmi?!

 

İsmini duycaq kədərə atlanıram mən,

Hər cürə sənsizliyinə qatlanıram mən

Gərçi hələ susduğuma mat qalıram mən

Həsrətinə dil dəxi fəryad eləməzmi?!

Bir kərə cismin də məni yad eləməzmi?!

 

Əl-ədl isə ərz eylədiyi biçimdə madəm,

Duysun sənə bu həsrətimi qibleyi-aləm,

Bunca sevilməkdə ikən bir bəni-adəm,

Qəm bürümüş aşiqini şad eləməzmi?!

Bir kərə cismin də məni yad eləməzmi?!

 

Mövzu-bəhis sənsən əgər, yox etirazım,

Xoş mənə məhz sadəliyindənsə bu nazın

Görsə əgər lütfünü bircə kərə Lazım,

Arda qalan ömrünü məad eləməzmi?!

Bir kərə cismin də məni yad eləməzmi?!


... dəfə oxunub
Qiymət: 10/10(3 səs)
[qiymət ver ]
Şərh yaz
1+20=
Hesaba giriş
Müəllif

Mirzə Lazım
Haqqında
Bir gün bütün balıqların günəşə qovuşması diləyi ilə...
Əlaqə
E-mail:
mirzelazim@gmail.com
Sosial şəbəkə:
Facebook
YouTube-da izlə
Facebook
0.0344 saniye