Yazar.in | Yusif Nazim Ərəbsoy

Bir sevda yuxusu

Yusif Nazim Ərəbsoy tərəfindən "Şeir" bolməsinə 20:19 23 sentyabr 2014 tarixində əlavə olunmuşdur

Bir sevda yuxusu

Dərdindən öldüyün sənsiz ölərmi?

Sənə qovuşmağı bir an dilərmi?

Sevərdək, gücümüz çata bilərmi,

Dərdi boşlamağa, qəmi atmağa?

Ruhuma tənhalıq ruhu hopsa da,

Ayrılıq özünü məndə tapsa da...

Dənizdə qasırğa, tufan qopsa da,

Gəmi özü gedir, sanki, batmağa!

Saçından məhəbbət qoxusu gəlir,

İçimdən vurulmaq qorxusu gəlir.

Gözümə bir sevda yuxusu gəlir,

Səs salın, qoymayın məni yatmağa!

Yusif Nazim Ərəbsoy

... dəfə oxunub

Qiymət: 10/10(1 səs)
[qiymət ver ]

Şərh yaz

Vəfa Teymurova
[23 sentyabr 2014 20:22]

Ardı yoxdur?

Vüsal Məmmədzadə
[23 sentyabr 2014 20:23]

Qardaş, çoxdandır, səsin gəlmirdi :)) Yazılarınla sevindir bizi :)

Yusif Nazim Ərəbsoy
[24 sentyabr 2014 19:13]

Təşəkkür edirəm! Ardı var, paylaşaaram. )))

Hesaba giriş

Müəllif

Yusif Nazim Ərəbsoy

Haqqında

YUSİF NAZİM ƏRƏBSOY (Məmmədov Yusif Ağaəhməd oğlu, “Nazim” - nəzmə çəkən, şeir yazan deməkdir) 1988 - ci il oktyabrın 10 - da Şamaxı rayonunun Ərəbqədim kəndində anadan olmuşdur. 1995 - ci il sentyabrın 1-də Qobustan rayon Göydərə kənd 9 illik əsas məktəbin 1 - ci sinfinə daxil olmuşdur. 2004 - cü ildə bu məktəbi bitirərək, orta təhsilini davam etdirmək üçün fizika-riyaziyyat və informatika təmayüllü liseyə qəbul edilmiş və 2006 - cı ildə bu məktəbin məzunu olmuşdur. Bakı Slavyan Universitetinin “Yaradıcılıq” və Bakı Dövlət İqtisadiyyat və Humanitar Kollecinin “Mühasibat uçotu və audit” fakültələrini bitirmişdir. Yaradıcılığa 14 - 15 yaşlarından başlayan Yusif Nazim Ərəbsoy əsasən, satirik mövzuda yazır. 2011 - ci ilin may ayında böyük satirik şairimiz M. Ə. Sabirin vəfatının 100 illiyinə həsr olunmuş “Satira və qəzəl” müsabiqəsinin fəxri diplomuna layiq görülmüşdür. 2015-ci ildə Azərbaycan Respublikası Prezidenti yanında "Bilik" fondunun "Vətənpərvərlik" mövzusunda ümumrespublika üzrə elan etdiyi müsabiqədə "Sərçə sevgisi" adlı şeiri 1-ci yeri qazanmışdır. "Şou dünya" adlı kitab müəllifidir. Kitabda müəllifin satiraları, sevgi və digər mövzuda yazdığı şeirləri, eləcə də aforizmləri çap olunmuşdur.

Əlaqə

Tel.:
(070) 686 - 06 - 25, (050) 993-03-60
E-mail:
yusifnazim@mail.ru
Sosial şəbəkə:
Facebook

Ordenlər

YouTube-da izlə

Facebook