BİR SİQARET
***
bir siqaret yanır gecənin qaranlığında,
bu şəhər qarışır kədərə,
dönür külə kül qabımda.

saat da artıq yorulub boş-boşuna səs salmaqdan,
əqrəblərin boynu zorla dönür,
onlar da bezib sənsizliyi daşımaqdan.

mənzilimdəki otaqlar bir-birinə qonşu da deyil ki,
darıxanda keçim birindən o birisinə,
hamısının divarları soyuqdur,
gəlirlər üstümə.
.
mətbəxim kişidən bezmiş fahişə kimidir,
bütün qab-qaşıq yığılıb üst-üstə,
hər yer çirklidir.

bir siqaret yanır gecənin qaranlığında,
qəhər yerini verir tüstüyə, süzülür dodağımda.