Biri elə,biri belə,
Biri isə elə-belə.
Özümüz də bilə-bilə
Aldadırıq özümüzü.
***
Biri sayır,biri kəsir,
"Bir həsir bir Məmmədnəsir".
Yarpaq kimi tir-tir əsir,
Qprxuduruq gözümüzü.
***
Biri satan,biri alan,
Biri gedən,biri qalan.
Biri doğru,biri yalan,
Tanımırıq düzümüzü.
***
Dünənimiz qaranlıqdır,
Sabahımız toranlıqdır.
Bu günümüz bir anlıqdır,
Tez kəsirik sözümüzü.
***
Mövlud,gəldi azar-bezar,
Qismətindir soyuq məzar.
Hər bir tərəf giley-güzar,
Kimə tutaq üzümüzü?

12.06.2014.Zərdabi.Mövlud Ağamməd.