Yarı buludlu havanın verdiyi sıxıntı ilə , pəncərədən sürüşən yağış damcılarını izləyirdim. Bir gözüm isə divardaki saatda idi. Son 15 dəqiqə də bitsə idi evə gedərdik. Bu hazırlıq müəllimini heç sevmirdim. Bu an qışqırtıya dik atıldım.

"Orxan ! hara baxırsan ! Qulaq as səninçün ayrıca danışmayacam. "

Müəllimə də ifritənin biri idi. Heç həvəsim yox idi onsuz birdə danlananda lap əsəbləri korlanır adamın.
Nəhayət ki hazırlıq bitti və evə getmək vaxtı gəldi. Axşam hazırlıqdan çıxanda küçələr lap keçilməz olur. Bütün günlərini çayxanada keçirən küçə qızları bizə sataşır. Bəzən dalımızca düşür evə qədər gəlirlər. Qorxudan tez-tez gedirik. Axşamlar lap bərbad olur. Nəşə çəkən qızlar , içib sərxoş olan qızlar hamsı küçədə oğlan gözləyir sanki. Buna görə də qonşum Elnurla bir gedirik. Tək getməkdənsə yanında biri olmagı daha yaxşı olur. Yenə küçədə toplaşan 4-5 qız bizi görən kimi qışqırmaga başladı

- " Salaaaaaaaaam "
- "Almırsaaaaan ?"
- "Sən guya zorsandaaa əəəəə "
- "Ay yaraşıqlııııı , gəl bura qorxma dişləməyəcəm "
- " aaxaxaxaxaxa "

Sonra hamısı birdən gülüşürlər. Bu cür küçə qızlarının əlindən yaşanmayan bir yerə çatmışdı Bakı. Heç bir oglan küçədə gəzə bilmirdi. Qızların bu təcavüzkar baxışları , zorlamaq istəyi , adamı intihar həddinə qədər bezdirirdi. Niyə küçədə rahat gəzə bilməyəcəyik ? Hansısa 4-5 qız öz yatmaq istəyin örtə bilmr deyə biz niyə axşamlar çölə çıxmırıq ? Hələ evdən edilən sıxıcılıqda bir tərəfdən çətinləşdirirdi həyatı. Anam qoymurdu çölə çıxmaga. Qızlar nəsə edər , qaçırar deyə qorxurdu. "Zəmanə pisdi bala , başına hər oyunu açarlar deyirdi" Əslində haqlı idi yenədə bütün gün evdə oturmaqdan bezir insan. Dərsə get və evə gəl. Başqa bir şey edə bilmə. Adi parka çıxanda belə qızlar gəlir sataşır. Nömrələrini qışqırırdılar.
Yaxşı ki internet var yoxsa evdə sıxıntıdan ölərdim. Facebook hesabıma girdim və ana səhifəni biraz gəzdim. 1 səhifədə fikir bildirdim və artıq mesaj qutuma 7 qızdan mesaj gəlmişdi. Hamsına baxdım.

- "Salam necəsən ?"
- " Salam yaraşıqlıı tanış olaq ? ) "
- " Boşalaq ? ))"
- "Orxann canım necəsən )"
- " vatsappıma yaz söz deyəcəm 0519876543"
- "Əə nə yaraşıqlı şeysən sən , bombasan ha "
- " Pivəynən gedərsən sənöl ) "

Yenə iyrəndim özümdən. Sanki təhqir edirlər adamı. Bizim qızlarda niyə bu qədər yanıqlıq , yatma istəyi var anlamıram. Oturub səhifədə gözləyirlər ki bir oglan comment yazsın tez ona dostluq atıb mesaj yazsınlar. Sonra oglan da cavab versin , çagırsınlar boş evlərinə orda sevişib atsınlar. Oglana sadəcə cinsi obyekt kimi baxılır bu ölkədə. Hələ elələri var facebooka girən oglana , şəkil qoyan oglana pis baxır. Deyir o oglan əxlaqsızdı. Ancaq yatmalıqdı. Başa düşmürəm niyə ki ? Necəki Qızlar rahat rahat facebookdan istifadə etmək istəyir , öz şəklini paylaşmaq istəyir , oglanlar da eyni hissi keçirir. Onsuz küçəyə çox az çxırıq. Çox az gəzirik. Çox az əylənirik bir də internetdən istifadə etməyək ? Niyə yaşayırıq onda biz ? sadəcə evlənilib yatmaq üçün ? uşaq baxmaq üçün ? Qızlar istədikləri kimi internetə girsin , gəzsin , ama oglanlar edəndə pis olsun ? Niyə ? Axı Allah hamımıza eyni hissləri verib. Sən də çıxıb bir gözəl havada gəzmək istəyəndə oglan da istəyir. Burda pis nə var ? Biz ki çölə çıxıb pis şey etməyəcəyik sadəcə gəzəcəyik. Dükanlara baxacayıq. Parkda biraz vaxt keçirəcəyik. Kafedə bir fincan çay içəcəyik. Bunların hansı əxlaqsız hərəkətdi ? Amma qızlar özləri istədiklərin edirlər. Bütün günü çayxanalardan çıxmırlar. Hər gün içib çəkirlər. Hər yerə gedirlər. Onlar niyə əxlaqsız deyil bəs ? Çox az qız var ki oglanlara hörmət edir. Digərləri hörmət etmir. Bir dəfə dostum bir qızla gələndə 3-4 qız mənə söz atdı. Dostum olan Yasəməndə cavab qaytardı və dava başladı. Həmin küçə qızları başladı ki sənə nolub ? Atviçatsan ? Nəyindi ? Dostumda qorudu onlar da döydülər. Bu hadisə tez-tez təkrarlanır. Daha dogrusu artıq normal həyatımın bir hissəsidi. Hər gün söz atılır. Hər yerdə söz atılır. Yolda , metroda , dükanda və .s hər yerdə. Bəzən qızlar gəlir özlərin sürtürlər. Özündən iyrənir adam. Mənim nə günahım var ki ? metroya da minməyim ? bu da əxalqsızlıqdı ? Əslində bu qızlar , başqa bir qız bunun atasına qardaşına eynisin edəndə başqa cür olurlar. Sənə bütün günü əxlaqdan dəm vurarlar. Ay bəs tanımadıgın oglana necə sataşırsan ? sənin qardaşın yoxdu ? Hə hə , öz qardaşına söz atıb deyə başqa qızı bıçaqlayıb öldürür ya da həmin qızı "Fahişə" çıxardır. Ama özü bütün günü küçədə başqa oglanlara söz atır. Sənin elədiyin nədi bəs onda ? nədi fərqin o bıçaqlayıb "fahişə" çıxartdıgın qızdan ? Eyni şeysizdə ! Öz evindəki qardaşına hörmət olunmagın istəyirsənsə , digər oglanlara hörmət etməlisən.

Biz bütün günü evdə oturub , evlilik gözləmək üçün yaradılmamışıq ! Bir gün hansısa qız bizi alacaq evinə gətirəcək deyə , ailəmiz uygun gördü deyə tanımadan evlənmək üçün yaradılmamışıq. Biz də sevmək istəyirik. Necə ki qız olaraq siz istədiyinizi sevirsiniz , biz də sevirik. Bizim də hisslərimiz olur. Pis şey etmirik. Biz evlənəcəyimiz qızı toy günü görmək istəmirik. Bizə dəyər verilsin istəyiirk. Biz seks obyekti deyilik KİŞİYİK !