Şəhərin bəzi yerlərində divarlara yapışdırılmış elan: ”BÖYRƏYİMİ SATIRAM”

Elanı hər yerə özüm yapışdırmışam. Başqa əlacım yox idi. Çıxılmaz durumdayam.

Həyat yoldaşım 2 ildir ki, 3-cü qrup xərçəng xəstəsidir. 32 yaşı var. Əməliyyat olunub. 8 ay kimyəvi terapiyadan keçdi. Ötən ay onu müalicə edə bilmədik. Pulumuz çatmadı. Bu ay ağrıları şiddətlənib. Bir qızımız var, 6 yaşında.

Kirayə haqqı, kommunal xərclər, gündəlik ehtiyaclar, qızımın dərs ləvazimatları üçün tanış-bilişdən borc götürmüşəm.

Özüm qəssabam. Gündə neçə qoyun, mal kəsirəm, doğrayıram, sonra “Qazel”ə daşıyıram. Çox ağır işdir.

Məni bu addımı atmağa məhz imkansızlıq vadar edir. Bilirəm ki, bir böyrəyə görə 15 min manat pul qazana bilərəm.

Maraqlanan çoxdur. Tək böyrəklə də nə qədər yaşayaramsa, yaşayaram

Halbuki qanun donor orqanlarının alqı-satqısını qəti şəkildə qadağan edir.