Gəl sən ürəyimə dəymə bu axşam,

Heç bir şey soruşma,dinmə bu axşam.

Qoy gözümüzlə danışsın eşqimiz

Dünya dursun,aləm sussun bu axşam.

Kaş çata biləydi sənə əllərim,

Kaş baxa biləydi sənə gözlərim,

“Sevirəm”deyəydi sənə ürəyim,

Eşqimizin şahididi bu axşam.

Sən mənim ömrümün tək sevdasısan,

Solmuş ümidimin tək muradısan,

Nəfəsimçün yaşamamçün mənə lazımsan,

“Sevirəm”sözünü deyək bu axşam.