İnsanın ağlının biləcəyimi,

Nə üçün boşaldı, doldu bu dünya?

Günahı özündə axtarsa yaxşı,

Zülümdən, xiffətdən soldu bu dünya.

Baxdı əyrisinə, baxdı düzünə,

Od qatdı yaxşının ocaq, közünə.

Haqq - nahaqq söylədik hər an üzünə,

Deməyək, vəfasız oldu bu dünya.

Səhərdən axşama çalışanlar ac,

Bir qurtum saf suya, çörəyə möhtac.

Əzəldən fağırı əzir ehtiyac,

Ağrıyla -acıyla boldu bu dünya.