Bu dünyada qalmadı heç kimsələr,
Qalsa idi,bir məkanım olaydı.
Qadir Allah xəlq elədi bizləri,
Aldığı da şirin canım olaydı.
***
Günahların bağışlanar,tövbələ,
Allahından ruzi dilə,rizq dilə.
Şəhadət et,iman gətir qəlb ilə,
Bu halətdə din-imanım olaydı.
***
Namaz,zəkat,oruc,həcdir birər şərt,
Əməl etsən.savab olar,çün.əlbət.
Müsəlmansan,sənə fərzdir ibadət.
Beş vaxt namaz hər zamanım olaydı.
***
Sev Allahı,Allahının sevdiyin,
Adil olmaq isə sənin istəyin.
İtaət et,itaətdi bildiyin,
Səbr etməyim imtahanım olaydı.
***
Biz quluyuq,sən Xaliqin Rəsulu,
Hökmün ilə Mövlud tutub bu yolu.
Dərgahına gəlləm gözü yumulu,
Qiyamətdə sən həyanım olaydın.

30.06.2014.Zərdabi.Mövlud Ağamməd.